కేరళకు చెందిన Sheela ఒక వ్యాపారవేత్త భార్య. వారిది బాగా స్థిరపడిన కుటుంబం.  అయినా ఆమె తనదంటూ సొంత వ్యాపారాన్ని ప్రారంభించాలని భావించింది. తన ఆలోచనను భర్తతో పంచుకుంది. కానీ సొంత వ్యాపారాన్ని ప్రారంభించేందుకు ఆమె భర్త రెండు షరతులు పెట్టాడు. ఒకటి వ్యాపారం కోసం,  కుటుంబానికి సంబంధించిన డబ్బులను వాడుకోకూడదు. రెండోది, వ్యాపార కార్యాలయానికి, ఖాళీగా అద్దె కట్టకూడదు. చాలా సంవత్సరాలు గృహిణిగా ఉన్న షీలా తన భర్త సవాల్‌ను స్వీకరించింది. ఒక బ్యాంక్ నుంచి చిన్నపాటి లోన్ తీసుకొని V-Star Creations, అనే లోదుస్తుల బ్రాండ్ ను ప్రారంభించాలని నిర్ణయించుకుంది. అలా బ్యాంక్ రుణంతో 1995 లో ఓ పదిమందితో చిన్న బట్టల వ్యాపారం ప్రారంభించారు. కేరళ లో విక్రయిస్తున్న ఇన్నర్ వేర్ బట్టలు చాలా మటుకు ముంబై, బెంగళూరు ప్రాంతాల నుంచి వస్తున్నాయని గ్రహించిన ఆమె, రాష్ట్రంలోనే , తాను బ్రాండ్ గా ఎదిగే లక్ష్యంతో వివిధ డిజైన్లు, రంగులతో నాణ్యమైన లోదుస్తులు, అండర్‌వేర్లను తయారు చేయడం ప్రారంభించింది. ప్రారంభంలో10 మంది ఉద్యోగులు చేత్తో కుట్టారు. సింపుల్ డిజైన్, అందుబాటు ధరల కారణంగా V-Star Creations, వృద్ధిచెందడం ప్రారంభించింది. ఇప్పుడు మల్టీ మిలియన్ డాలర్ల కంపెనీగా ఎదిగింది. 1995 లో Sheela Kochouseph స్థాపించిన V-Star Creations ఆదాయం దాదాపు 540 కోట్లకు పైగా చేరుకుందని పేర్కొంది. ఈ రోజు తన net worth ₹1,927.1 కోట్లకు పైన చేరుకుంది. షీలా  సక్సెస్ జర్నీ, నేటి మహిళలకు ఎంతో స్పూర్తిదాయకంగా ఉంటుంది. అలాగే మహిళలు తలుచుకుంటే ఏదైనా సాధించవచ్చని ఆమె సక్సెస్ ఒక ఉదాహరణ.